28 Hunyo 2010. San Ireneo. Lunes ng ika-13 Linggo ng Taon
Am 2, 6-16; Psalm 50; Matthew 8: 18-22
Madaling magsabing susundin natin si Hesus. Ngunit hindi ito napapatupad. Lalung-lalo na sa mga gawaing espiritual, bigla na lamang tayong nangangakong maglingkod ng mahusay o baguhin ang isang paguugali. May mga oras na nais nating purihin ang isang tao dahil sa kanyang kahusayan o ipadama ang ating pakikiramay sa isang kaibigan. May mga sandaling nais nating pagsabihan ang isang kaibigan. Sa kasawingpalad, pinapaliban natin ito dahil kinukumbinsi natin ang ating sarili na may iba pang pagkakataon. Dinadahilan natin ang ating trabaho, gawain sa bahay atpb.
Sa gayon, hindi na ito nagaganap o napanis na ang panahon sa pagmamagandang-loob. Pagdasal natin na hindi natin papakawalan ang mga pagkakataong magpakabanal.
No comments:
Post a Comment